महाराष्ट्र ही संतांची भूमी आहे. अशाच संताच्या वास्तव्याने पावन झालेले स्थान म्हणजे रेणुका दरबार(वेल्हेकरवाडी) ता. सोनई, जि. अहमदनगर. प. पू. योगीराज हंसतीर्थ स्वामी महाराज म्हणजे हरीहरानंद महाराज यांनी रेणुका दरबार येथे रेणुका मातेचे भव्य काच मंदीर उभारले असून गाभाऱ्यात योगपीठासनावर रेणुका मातेची मूर्ती स्थापन करून “शक्तीपीठ” म्हणून गौरविले आहे. सुमारे ६० वर्षापूर्वी प. पू . स्वामी आणि प. पू. प्रेमानंदीनाथ महाराज झोपडीत राहत होते. उभयता भगवतीची रात्रंदिवस उपासना करत आयचित वृत्तीने राहत होते. हळूहळू रेणुका दरबार आश्रमाची वाढ होत गेली. भगवतीची नित्य उपासना, प. पू . स्वामींची खडतर साधना, विविध उत्सव, अन्नदान, आश्रमात शिष्य वाढ लागली. सदगुरू आज्ञेने आणि प.पू. कृष्णानंद स्वामी(हरीहारानंद महाराजांचे वडील) यांचे मार्गदर्शनाखाली रेणुका दरबारमध्ये स्वामींचे कार्य चालू होते. १९६६ मध्ये प. पू.कृष्णानंद स्वामी ॐकार स्वरूपात समाधीस्त झाले. त्यानंतर प. पू. योगीराज हंसतीर्थ स्वामी महाराजांनी ॐकार योगपीठासन व भगवती मंदिर स्थापण्याचा सदगुरू आज्ञेने निर्णय घेतला. अगदी योगपीठासनावर भगवतीची स्थापना होऊन आज काच मंदिर उभे राहिले. प. पू . स्वामी योगपीठासनाचे आगळे महत्व सांगतात. त्यासाठी त्यांनी योगपीठासन स्तोत्र व अभंग रचले आहेत.

“हे ओंकार स्वरूप पीठासन प्रकृती पुरुष ऐक्य भाव जाण |
शिव शिवा स्वरूप प्रगट करून | आत्मसाक्षात्कार देते पहा ||”

थेट ज्ञानेश्वरांशी नात सांगणारी हि ओवी प. पू . स्वामींचे अध्यात्म क्षेत्रातील उच्चस्थान दर्शविते.योगपीठासन अभंगाची फलश्रुती”मध्ये प.पू . स्वामी म्हणतात –

“ऐसे योगपीठासन नित्य हो स्मरता।तुटतील चिंता भवाच्या ह्या।
निर्विचार स्थिती होऊनिया जाय।निर्विकार राही जीव हाची ।।